प्राथमिक स्वास्थ्य केन्द्र के या हाल

01-10-14 karvi shivrampur phcजिला चित्रकूट, ब्लाक कर्वी, कस्बा शिवरामपुर प्राथमिक स्वास्थ्य केन्द्र। या केन्द्र के जनरल वार्ड के सउहें का फर्श मई 2014 से धंस गा हवै। यहै से दवाई करावैं वाले मड़ई वहिमा गिर के चांेटा सकत हवैं, पै केन्द्र के डाक्टरन का यहिसे कउनौ फर्क नहीं परत आय।
ब्लाक कर्वी, गांव टिटिहरा से आशा देवी 23 सितम्बर 2014 का बच्चा पैदा करावैं आई रहै। वहिकर कहब हवै कि केन्द्र का फर्श धंस गा हवै। या कारन फर्श ऊंच नींच हवै। रात के अंधियारे मा अगर बच्चा पैदा करावैं वाली औरत का गोड़ फिसल जई तौ
उनके जान का खतरा होइ सकत हवै।
इटखरी गांव का संतू कहिस कि दसन गांवन के लोग केन्द्र दवाई करावै आवत हवंै जहां पर्चा बनत हवै। वहिके सउहें का फर्श धंसा हवै। येत्ती गम्भीर समस्या हवै, पै प्राथमिक स्वास्थ्य केन्द्र के डाक्टरन का यहिसे कउनौ मतलब नहीं रहत हवै। का कउनौ घटना होइ तबै ध्यान दीन जई। प्राथमिक स्वास्थ्य केन्द्र के डाक्टर डाक्टर लखन गर्ग कहिन कि शिवरामपुर से लगभग दुइ किलो मीटर दूर नया प्राथमिक स्वास्थ्य केन्द्र बनत हवै। यहै से फर्श का नहीं बनवावा जात हवै।
जिला सी. एम. ओ. वेद प्रकाश का कहब हवै कि कांसटेक्शन डिजाइन सर्विसिंग बांदा जिला कइती से भंागा पुरवा मा प्राथमिक स्वास्थ्य केन्द्र दुइ साल से बनवात हवै। एक प्राथमिक स्वास्थ्य केन्द्र बनवावैं मा सरकार चार करोड़ देत हवै। प्राथमिक स्वास्थ्य केन्द्र बन के तैयार होइ तौ हैण्ड ओवर होइ। यहिके खातिर एजेंसी वालेन से कहा जई अउर दीपावली तक नवा प्राथमिक स्वास्थ्य केन्द्र हैण्ड ओवर होइ। यहै से शिवरामपुर प्राथमिक स्वास्थ्य केन्द्र का फर्श नहीं बनवावा जात हवै।