प्रशासन की लेट लतीफी के कारण नहीं होती है तैयारी..

जिला बांदा, ब्लाक महुआ, गांव खत्री पहाड़ खत्री पहाड़ मा नवरात्र के नौ दिना मेला लागत हैं। पै शासन कइत से कउनौ व्यवस्था पहले से नहीं कराई गे। बाहरी दुकानदार हेंया हुआ भटकत रहत हैं शासन नवरात्र के पहिले दिन से व्यवस्ता करावे का कहत हैं। यहिसे बाहरी मडइन का बहुतै परेशानी होत है।
ओम प्रकाश गुप्ता का कहब है कि 1 सितम्बर से मेला शुरु है। पै अबै तक न कउनौ साफ सफाई आय न बाहरी दुकानदार खातिर कउनौ व्यवस्था आय। काहे से मेला शुरु होय से पहिले दुकानदार आ जात हैं।
चित्रकूट, इलाहाबाद, मध्यप्रदेश, छतरपुर अउर महोबा से मड़ई दुकान लगावें आवत हैं। समय से व्यवस्ता न होय के कारन कुछ दुकानदार का लउटे का पड़त है।
सुशील कुमार अवस्थी अउर कमलेश समेत कइयौ मडई बतावत है कि पिये का पानी, पेशाब अउर टट्टी के व्यवस्था
मेला मा नीकतान नही होत हैं। मड़इन का बाहर खुले मा जाये का पडत है। एक साल से कमेटी भंग है। यहै कारन व्यवस्था का काम एस डी ऍम अउर नायब तहसीलदार देखत हैं।
तहसीलदार राकेश कुमार बताइन कि मेला शुरु होय से पहिले दुकानदारन कस व्यवस्था करा दीन जई।

रिपोर्टर- गीता 

07/10/2016 को प्रकाशित