प्रधान पति की होत खूब वाह-वाह

pradhanजिला महोबा, ब्लाक पनवाड़ी, कस्बा पनवाड़ी,वार्ड नम्बर तेरह मे सात साल से बारात घर अधूरो परो हतो। जीसे दलित लोगन के बिटियन की शादी होंय पे बारात के लाने परेशानी होत हती। अब प्रधान ने काम लगवा दओ हे। पूरे कस्बा के आदमी प्रधान पति की वाह-वाह करत हे।
दलित बस्ती के रामचरन बसोर ओर सुरेश बसोर बताउत हे की पन्द्रह सौ आदमियन के बिटिया की शादी हो गई हो हे। बारात घर के बिना बारात खुले मे रहत हती। जीखे रूपइया हे तो सजावट करवा देत हतो, नई तो ऊपर से पन्नी लगा देत हते।
रामलाल अहिरवार बताउत हे की बारात घर अधूरो होंय के कारन एक किलोमीटर दूर प्राइमरी स्कूल मे बारात रोकत हते। जीसे रात के आंयेे जाये मे परेशानी होत हती
महीपाल अहिरवार कहत हे की हमाये एते को नओ प्रधान काम करायें मे पन्द्रह साल को रिकार्ड टोर दो हे। जोन पन्द्रह साल से रास्ता खराब परी हे ऊ अब बनत हे। खूब प्रधान की वाह वाह करत हे। साथे जा भी कहो की अगली पंचवर्षीय में अगर चेयरमैन के चुनाव हो हे तो जीने ई साल वोट नईं दये हे ऊ चेयरमैन की चुनाव मे जरूर वोट देहे।
वार्ड मेम्बर धूराम बताउत हे की पेहले पंचायत घर अनिल विधायक के प्रति निधी से बनो हतो। पूरो न होंय के कारन ई साल प्रधान प्रतिनिधी से बनत हे।
प्रधान अखिलेश को आदमी संजय दुबे बताउत हे की पेहले बारात घर के बारे मे मोये पता नईं हतो। जभे पता चलो तो प्रस्ताव बना ब्लाक मे डारो। बजट पास हो गओ जीसे काम चालू करवा दओ हे। जनता ने मोये एई के लाने प्रधान चुनो हे। जीसे गांव की समस्या दूर हो सके।

रिपोर्टर – सुरेखा राजपूत