प्रधान छेड़छाड़ करे तो छोटा देवर समझकर माफ़ करें? देखिये चित्रकूट के मऊ की खबर

26 जनवरी का जिला चित्रकूट के मऊ थाना क्षेत्र मा एक मेहरिया के साथै गांव का प्रधान प्रमोद कुमार छेड़छाड़ करिस हवै। सीओ सुरेन्द्र प्रसाद शर्मा का कहब हवै कि मुकदमा लिख लीन गा हवै अउर जांच चलत हवै।
मेहरिया का कहब हवै कि प्रधान प्रमोद मोहिसे खीस कि तुम्हार शौचालय अउर आवास आ गें हवै तौ आपन फोन नम्बर, आधार कार्ड अउर पासबुक के फोटोकापी दइ देव। फेर प्रधान मोहिसे फोन मा बात करे लाग। मोर मनसवा बाहर रहत हवै, फोन से मैं आपन मनसवा से बतायेव तौ उंई कहीं कि छोट देवर मजाक कइ दिहिस होइ। घटना के दिन मई खेत मा अकेले रहिहौं, तबै प्रधान आवा अउर मोर हाथ पकड़ के घसीट के भीतर लइगा। तबै मोर ससुर आ गें तौ वा धमकी दइ के भाग गा। कहत रहै कि कउनौ का बताइहैं तौ परिवार वालेन का जान से मार डलिहौं। हमार वहिसे कउनौ दुश्मनी नहीं आय। हमार सुनवाई न होइ तौ कर्वी अउर लखनऊ सगले जइहौं। मनसवा का कहब हवै कि थाना से कउनौ आश्वासन नहीं मिला आय। पुलिस वाले कहत रहै कि जबै प्रधान आ जइ तबै बात होइ।

रिपोर्टर- सुनीता देवी

Published on Feb 6, 2018