प्रधान कउनौ ध्यान नहीं देत

 आपन बीती बतावत
आपन बीती बतावत

जिला चित्रकूट, ब्लाक कर्वी, कस्बा शिवरामपुर, कपडि़या बस्ती। हिंया के अंजू अउर सरोज का गरीबी रेखा का राशन कार्ड नहीं बना हवै। यहिके खातिर कइयौ दरकी प्रधान शिवबरन कपडि़या से कहा गा, पै वा भरोसा दइके टाल देत हवै।
या समस्या का लइके प्रधान शिवबरन कपडि़या से बात कीन गे। वहिकर कहब हवै कि गरीबी रेखा का राशन कार्ड बनवा देहूं। मोहिका खुदै चिंता हवै।
कस्बा के अंजू अउर सरोज का कहब हवै कि गरीब मेहरिया आहिन। झाड़ू बना के परिवार चलाइत हन। गरीबी हमार पीछा नहीं छोड़त हवै। दुइ जून पेट भर रोटी तक खाये का नहंी मिलत हवै। या कारन से सोचित हन कि अगर गरीबी रेखा का राशन कार्ड बन जाये तौ थोइ दुइ जून रोटी तौ मिलै लागी। सरकार तौ गरीबन खातिर गरीबी रेखा के राशन कार्ड के व्यवस्था कीने हवै।
अगर सच्चाई का देखा जाये तौ गरीब अउर पात्र मड़ई हमेशा इं योजना का लाभ लें खातिर परेशान रहत हवैं। जइसे कि हम यहिके खातिर लगभग पन्द्रह बरस से जूझित हन, पै प्रधान शिवबरन कपडि़या हमार कउनौ ध्यान नहीं देत हवै। हमार गरीबी रेखा का राशन कार्ड बन जाये तौ बहुतै नींक होइ जाये।