प्रधान उखड़ाइस खड़ण्जा

banda gaanv se 1जला बांदा, ब्लाक तिन्दवारी, गांव वासिलपुर। हेंया के मड़ई बताइन कि वार्ड नम्बर छह मा प्रधान सूरजपाल छह महीना पहले खड़ण्जा उखड़ा दिहिस है। कहत रहै मैं नवा खड़ण्जा बनवा देहूं , पै आज तक नहीं बनवाइस आय।

   गांव का कल्लू, भूरी अउर बबलू का कहब है कि खड़ण्जा उखाडै़ से हमका बहुतै परेशानी मिलत है। बरसात का पानी घरन मा भर जात है। जबै से खड़ण्जा उखाड़ लिहिस तबै से ध्यान नहीं दिहिस आय। प्रधान से कहित हैं तौ प्रधान कहत है कि मैं खड़ण्जा डरवा देहूं अउर हां-हां कइके टाल देत है। खड़ण्जा बनवावब तौ दूर प्रधान गांव मा देखै तक नहीं आवत आय।
   प्रधान सूरजपाल का कहब है कि चार टाली मिट्टी डलवा दीने हौं अबै बजट निहाय। बजट अई तौ खड़ण्जा डरवा दीन जई।