पेशाब घर से परेशान

mahoba kasba smallजिला महोबा, ब्लाक चरखरी, कस्बा चरखारी, मोहल्ला अमरगंज बस स्टाप। एते पेशाब घर की सफाई न होय से ओते के दुकानदारन खें बोहतई परेशानी आउत हे।
दुकानदार नत्थू, गोबरा ओर पप्पू सोनी ने बताओ कि एते लगभग पचास हजार आदमी जा पेशाब घर खें इस्तेमाल करत हे, पे कभऊ एते की सफाई नई होत आय ओर बोहतई बदबू आउत हे। जीसे हमाओ उठबो बेठबो मुश्किल परत हे। हम सोचत हे कि हमाए एते के पेशाब घर की सफाई हो जाए तो नींक हो जेहे। काय से बाहर से आए जांए वाले आदमी भी एतई बेठत हे। अगर सफाई हो जेहे तो इत्ती ज्यादा बदबू न आहे।
नगरपालिका अध्यक्ष रूकसाना खातून के आदमी मुइनुद्दीन ने बताओ कि अभे इकतालिस लाख रूपइया जल मल सम्बन्धित बजट पास हो गओ हे, पे अभे डी.एम.के एते से बजट पास कराउने हे।
अधिशाषी अभियन्ता शिवजी पाण्डेय ने बताओ कि हम डी.एम. से प्रस्ताव पास कराउन जा रहे हे। अब ओते दो शौचालय आदमियन खें ओर दो शौचालय ओरतन खंे बनवाएं जेहे। जीसे आएं जाएं वाले आदमियन खंे परेशानी न होहे।