पेंशन की राह तकते कहीं बीत न जाएं रैना, देखिए चित्रकूट जिले के गढ़चपा का विडियो

सरकार सन 1994 मा पेंशन योजना चलाइन रहै जेहिमा साठ साल से ज्यादा मड़इन का पेंशन दे का कहा गा रहै, पै चित्रकूट जिला, ब्लाक मानिकपुर, गांव गढ़चपा के पुरवा पतेरी के बूढ़ मड़ई अबै तक पेंशन के राह देखत हवै पै पेंशन आज तक नहीं मिली आय।
लक्ष्मी का कहब हवै कि हमें पेंशन मिली आय न हमार राशनकार्ड बने आहीं।
भूरी देवी का कहब हवै कि अबै तक जाने केत्ते प्रधान होइ चुके हवै पै हमार पेंशन नहीं बनी आय। हमार हजारन रुपिया फार्म भरे मा खर्च होइ चुके हवै, पै प्रधान कुछौ नहीं करत आय। हिंया हुंवा से कउनौतान पेट भर के गुजरा होत हवै।
रोजगार सेवक देवानंद का कहब हवै कि अबै तक सत्तर मड़इन के पेंशन खातिर आनलाइन कई चुके हन, पै अबै तक कउनौ के पेंशन नहीं आयी आय।
बीडीओ आशाराम का कहब हवै कि आनलाइन पेंशन मा शासन स्वीकृत देत हवै, ब्लाक से पेंशन नहीं मिलत आय।

रिपोर्टर- सहोद्रा

Published on Mar 26, 2018