पुलिस नहीं करत सुनवाई

जिला चित्रकूट, ब्लाक रामनगर, कस्बा राजापुर। हिंया के हसीना बानो का आरोप हवै कि 2 फरवरी का घर मा काम लाग रहै। वहै समय पड़ोसी काशी नाम का मड़ई मारपीट करिस। यहिके रपट राजापुर थाना मा लिखाइगे, पै पुलिस कारवाही नहीं करत आय
हसीना बानो कहिस कि घर बनवावत हौ। मोहिका काशी घर नहीं बनवावै देत हवै। काशी कहत हवै कि घर न बनवाये देहूं। मैं नहीं मानी तौ काशी मोरे ऊपर मिट्टी का तेल डार के आगी लगा दिहिस। मैं कउनौतान से जान बचा के भागेंव अउर राजापुर थाना मा जा के रपट लिखाये हौ। काशी कहिस कि वहिके साथै मारपीट नहीं करिस। वा अपने मिट्टी का तेल डार के आगी लगावैं के कोशिश करिस हवै।
राजापुर थाना के छोट दरोगा वृंदावन का कहब हवै कि या मामला के जांच चलत हवै यहिके बाद कारवाही कीन जई।