पुलिस जुटी अतिक्रमण हटावायें में

m kabrai kasbaजिला महोबा, ब्लाक कबरई, कस्बा कबरई। ई कस्बा भीतर से दिन भर में हजारन ट्रक गिट्टी से भरे निकरत हे। जीसे जाम लगत हे, ओर स्कूल, कालेज ओर बाजार आयें जायें वाले यात्रियन खा परेशानी को सामना करने परत हतो। ओर ई रोड में आय दिन होत एक्सीडेंण्ट होत हते। 18 अक्टूबर खा कबरई कस्बा की पुलिस ने अतिक्रमण हटायें को आभियान शुरू कर दओ हे। जीमें थाने के पास से लेके सरकारी अस्पताल तक सौकड़ो दुकानों के टीन छप्पर ओर किनारें में धरी सब्जी की दुकाने हटा दईं हे। कछू आदमियन ने पुलिस प्रसाशन के ऊपर पक्षपात को आरोप भी लगाओ हे।
रोड के किनारे सब्जी लगायें वाले दुकानदार राजेन्द्र कुमार, सूरज ओर अखिलेश कहत हे की ताज मार्केट में बनी दुकानन के अतिक्रमण के समय टीन छप्पर नई हटाये हे। जभे की रोजी रोटी चलायें वाले मजदूर लाचार आदमी खा परेशान करत हे।
कबरई थाना के एस.ओ. सुरेन्द्र कूमार यादव कहत हे की रोड में लगायें वाले दुकान दार खा बता दओ हे। अगर दुबारा से अतिक्रमण भओ तो सीधे मुकदमा लिख कारवाही करी जेहे।