पुलिस के लापरवाही के आय दिन होत चोरी

DSCN0154महोबा शहर, कोतवाली क्षेत्र। एते आये दिन कोनऊ न कोनऊ मोहल्ला मे चोरी जरूर होत हे। पुलिस कछू कारवाही नई करत हे। जीसे कस्बा के आदमियन में चोरी की चिन्ता लगी रहत।
मोहल्ला नयापुरा नैकाना को मोहन सिंह यादव बताउत हे 13 अपै्रल की रात के हम सब सोउत हते। तभई पछाऊ के दरवाजा तोर के चोर भीतर घुस आये हते। भीतर के कमरा को तारा तोर के बक्सा ले गये हे। जीमे डेढ़ हजार रूपइया ओर लगभग एक लाख के जेवर ले गये हे। सुबेरे जभे हमाई आंख खुली तो समान फेलो हतो ओर कमरा बक्सा गायब हतो। जा नजारा देख के हमाये होश उड़ गये। कपड़ा को भरो बक्सा मोहल्ला के बाहर एक कोती डरो हतो। ईखी दरखास मेंने महोबा कोतवाली में दई हे। पुलिस भी मौके मेे जांच करन आई हती।
एसई एक दिन पेहले कस्बा के बड़ीहाट मोहल्ला में चोरी भई हती। जीमें ऊखो लगभग एक लाख को समान गओ हतो। आज तक पुलिस ने एकऊ चोरी को खुलासा नई करो हे।
कोतवाली के कोतवाल एम.पी.वर्मा ने कहो कि अभे जांच चलत हे। जल्दी ही चोरी को खुलासा कर कारवाही करी जेहे।