पी.जी.आई. मा बंद लिफ्ट अउर गीजर

महामाया मेडिकल कॉलेज (फोटो साभार: डाक्टर विनोद मौर्या)
महामाया मेडिकल कॉलेज (फोटो साभार: डाक्टर विनोद मौर्या)

जिला अम्बेडकर नगर, ब्लाक टांडा पी.जी.आई. सद्दरपुर। हिंआ 2010 से अस्पताल चलत बाय। चार साल से पानी कै गीजर अउर लिफ्ट खराब पड़ा बाय। मरीजन का बहुत दिक्कत उठावै का पराथै।
दोस्तपुर से आई चन्द्रावती वर्मा बताइन कि यहि अस्पताल मा जेतना पानी कै टोंटी लाग बाय। अउर गीजर धरा बाय एक्कौ मा पानी नाय आवत। छत के ऊपर चढ़ै खातिर लिफ्ट बना बाय लकिन चलत नाय। लक्ष्मी नरायन बताइन कि आंख कै आपरेषन भै बाय लिफ्ट खराब हुवय के कारण सीढ़ी चढ़के ऊपर कमरा मा जाए का परा।
हंसवर कै षकुन्तला बताइन की हमरे बहुत बड़ा पाका गोड़े मा भै रहा। आपरेषन कराये हई। आपरेषन भये के बाद भी सीढ़ी चढ के आवै जाए का परा थै। अगर लिफ्ट चलत हुवत तौ मरीज का लिफ्ट से आवै जाए मा आराम रहत।
महामाया मेडिकल कालेज अम्बेडकर नगर कै अधीक्षक राजेषवर यादव बताइन कि पानी कै टोंटी चोर खोल के उठाए लै गै हईन। पानी पूरे कमरा मा फैल जाय के कारण पानी बंद कै दीन जाथै। अउर लिफ्ट जल्दी बनुवावै कै मांग करे हई।