पीपल का पेड़ करिस छह घरन का बर्बाद

सांसद भैरों प्रसाद (फोटो साभार: PRS)
सांसद भैरों प्रसाद (फोटो साभार: PRS)

जिला चित्रकूट, ब्लाक कर्वी, मुहल्ला बल्दाऊगंज वार्ड नम्बर पच्चीस। हिंया 23 अगस्त का पीपल का पेड़ गिरै से छह मड़ई घर से बेघर होइगें हवैं। मउके मा कर्वी विधायक वीर सिंह, सांसद भैरौं प्रसाद मिश्रा पहुंच के मुआवजा देवावैं का भरोसा दिहिन।

मुहल्ला के मुन्नी रैकवार, बद्री प्रसाद यादव, चुनबाद, चंद्रपाल रैकवार, पंचा अउर महिपाल का कहब हवै कि हम गरीब मड़ई अब कसत घर बनवइबे। एक दरकी तौ घर बनवाउब मुश्किल परत हवै। बरसात इनतान के होत हवै हमका. मूड़ छिपावैं के जघा नहीं आय।

बद्री प्रसाद कहिस कि मोर बहू मालती चोंटा गे हवै। वहिके जान बाल बाल बच गे।

बांदा चित्रकूट सांसद भैरौं प्रसाद मिश्रा का कहब हवै कि सरकार से मड़इन का घर गिरै का मुआवजा देवावा जई।