पासबुक के साथ फाॅर्म जमा

रसोई गैस
रसोई गैस

जिला सीतामढ़ी, प्रखण्ड रीगा किसान रसोई गैस एजेन्सी में फाॅर्म जमा हो रहल हई। इ फाॅर्म जेकरा नाम से कनेक्शन हई उनकर पहचान-पत्र या आधार कार्ड गैस कार्ड अउर बैंक खाता के पासबुक के फोटो काॅपी के साथ जमा होई छई।
सुबोध कुमार, इन्द्रजीत कुमार कहलथिन कि सब फाॅर्म जमा करई छथिन हमहु सब फाॅर्म जमा करे अईली। फाॅर्म एजेन्सी में ही मिलई छई।
एजेन्सी के कर्मी सत्यम कहलथिन कि जिनका पास पहचान-पत्र हई उनका फाॅर्म चार भराई छई। जिनका पास आधार कार्ड हई उ फाॅर्म एक अउर दु भराई छई। इ काम लगभग एक महिना से चल रहल हई।
एजेन्सी के मैनेजर एस.के. सिंह कहलथिन कि इ फाॅर्म भरत सरकार के द्वारा करायल जा रहल हई। 31 दिसम्बर तक अंतिम समय हई। इ कैम्प ऐई के लेल लगायल गेलई कि गैस उपभोक्ता के सबसीडी पर गैस देल जतई अउर सबसीडी के रूपईया बैंक एकाउन्ट में अतई। सरकार ऐई से आगे कोन नियम लगईथिन या अनुदान देथिन इ अभि आदेश न आयल हई। इहां लगभग दस हजार कनेक्शन धारी हई। सब लोग के जमा करे के हई।