पापा के हत्यारे के गिरफ्तारी कै मांग

mahila mudda fainalजिला अम्बेडकर नगर, ब्लाक टांडा तहसील आलापुर। जहांगीरगंज क्षेत्र के माधवटांडा मा जमीन न दियै के कारण 30 सितम्बर का सगा ननदोई अपने साला कै हत्या कइके जामुन के पेड़ से लटकाय दिहिस। थाना से भी नाय मिला न्याय।
विधवा मेहरारू विन्जना मौर्या कै आरोप बाय कि हमार ननदोई सिकन्दर मौर्या अउर उनके साथे रामहित निषाद उनकै महतारी शिवकुमारी हमार जमीन दुई बिगहा लिखाय लिहिन। घर बनवै के ताई अउर जमीन मांगत रहिन। जब हमार पति परशुराम मौर्या इनकार करिन तौ 30 सितम्बर का रात 9 बजे हमरे घरे ननदोई सिकन्दर आईन। हमरे पति का जंगल के तरफ लै जात रहिन तौ पीछे पीछे हमहूं गयन। पहिले से घात लगाये रामहित शिवकुमारी बैठा रहिन मारै लागिन। जब हम दौउरेन तौ हमैं घर मा बंद कै दिहिन। हमरे पति का मारि के जामुन के पेड़ से लटकाय दिहिन। वकरे बाद सबेरे जागै से पहिले शव नदी मा फेंक दिहिन। जलालपुर कै एक रिस्तेदार दवाई करावै के बहाना घर महसे निकारिन तब थाना मा एफ. आई. दर्ज करावै गयन। लकिन एफ. आई. आर नाय लिखागै। हम अपने अपने छोट छोट चार गेदहरा का लइके धरना पै बैठेन।
ए.एस.पी. पंकज पाण्डेय कै कहब बाय कि जहांगीरगंज थाना मा आदेश दै देहे हई। एफ. आई. आर. दर्ज होय जाये।