पानी से बेहाल हैं किसान, बांदा जिले के किसानों का हाल

लगभग पचास साल से पुरान पुलिया के तीन साल से सफाई नहीं भे आय। जेहिके कारन किसानन का पानी नहीं मिल पावत आय। पुलिया के लगे जउन पानी भरा रहत है तौ वहिसे फसल सड़ जात है। या समस्या बांदा जिला, ब्लाक तिंदवारी, गांव चिल्ला के आय।
अरविंद कुमार बताइस कि पुलिया के कारन आगे के खेतन मा पानी नहीं जा पावत आय। जेहिसे सिंचाई नहीं होइ पावत आय। कमला का कहब है कि पुलिया के सफाई नहीं होत आय, नहर बस के सफाई होत है। पुलिया के लगे पानी भरे से हमार चार-पांच बीघा के फसल सड़ गे है। बेटा का कहब है कि आगे पानी नहीं बढ़ पावत तौ पुलिया के लगे भरा रहत है। मिठानिया बताइस कि पानी भरे से मोर पांच बीधा फसल का नुकसान भा है। सिंचाई विभाग के सहायक अभियंता मोईनुद्दीन का कहब है कि बीस साल से पुलिया के सफाई नहीं भे आय।सफाई खातिर जबै रुपिया आ जई तौ सफाई करा दीन जई।

रिपोर्टर- शिवदेवी

Published on Jan 9, 2018