पानी के लिए लम्बी दूरी तय कर रहे हैं चित्रकूट जिले के मानिकपुर ब्लॉक के अगरहुंडा गांव के वासी

तीन साल से हिंया के सबै हैण्डपम्प खराब पड़े हवै यहै कारन मड़इन का बहुतै दूरी से पानी लावें का पड़त हवै सबसे ज्यादा परेशानी तौ बूढ़ मड़इन का होत हवै या कहब आय जिला चित्रकूट ब्लाक मानिकपुर गांव अगरहुंणा के मड़इन का वीडीओ आशाराम सिंह का कहब हवै कि हैन्डपम्प एक हफ्ता मा बना दीं जई ग्राम विकास अधिकारी का या समस्या के कउनौ जानकारी नहीं आय
बूढ़ जूनिया बानो बताइस कि जबै मोर लड़का पानी लावत हवै तौ नहात हौं, नहीं तौ बिना नहायें रहै का पड़त हवै श्यामू त्रिपाठी बतावत हवै कि हमार गांव मा जउन पानी मिलत हवै वहिमा कीड़ा रहत हवै इनतान का पानी पिए से हम बीमार पड़ जइत हवै
ताजुददीन खान का कहब हवै कि बहुतै दूरी से पिए खातिर पानी लाइत हवै।जेहिसे बहुतै समय लागत हवै। मुन्नी देवी अउर रूपनारायण का कहब हवै कि हैन्डपम्प बहुतै दिना से खराब पड़ा हवै पै प्रधान नहीं बनवावत आय जउन जघा मा हैन्डपम्प लाग हवै हुंवा गंदा पानी भरा रहत हवै अउर नाली का पानी भी हैन्डपम्प के लगे भरा रहत हवै यहिसे या पानी से बहुतै खराब बदबू आवत हवै प्रधान उमा देवी का कहब हवै कि दुई महीना के भीतर हैन्डपम्प के लगें पक्का करवा दीन जई जेहिसे हुंवा गंदा पानी न भरै

बाइलाइन-सहोद्रा

Published on Nov 16, 2017