पानी के बजाय माइनर मा उड़त धूल

taza final
सूखा पड़ा माइनर

जिला फैजाबाद, ब्लाक मया अउर अम्बेडकर नगर, ब्लाक कटेहरी। हिंआ के कइयौ गांव मा बही षारदा सहायक नहर मा पानी नाय न। अउर माइनर सुखान पड़ा बाय।
कटेहरी ब्लाक कै सुषील कुमार अटवाई बताइन कि यहि समय माइनर सुखान बाय पानी न आवै से खेत कै सिंचाई करै मा बहुत दिक्कत हुआथै। गन्ना अउर पिपरमिन्ट के सिंचाई करै मा बहुत दिक्कत हुआथै। दुसरे के इंजन ट्यूबवेल कै सहारा लियै का पराथै। गर्मी अउर तेज हवा के कारण पिपरमिन्ट मा हर हप्ता पानी दियै कै जरुरत बाय। भरथुआ सरैया कै राजेन्द्र बताइन कि गन्ना बोय देहे हई। पानी बिना सुखाय जात बाय। अगर अबहीं पानी मिल जाए तौ दुइनौ फसल कै फायदा होय जाए। बाद मा पानी छोड़ै से कउनौ फायदा न होये।
ब्लाक मया गांव मजगवां के छंग्गू प्रसाद कै कहब बाय कि पानी न मिलै के कारण पिपरमिन्ट सुखात बाय। अब गर्मी कै मौसम मा पानी कै जरुरत बाय तौ नहर सुखान परा बाय। जियाराम, रुचि, छाया देवी बताइन कि हमरे सबके खिंआ एक दुई बिगहा पिपरमिन्ट बैठाई बाय। एक तरफ नहर सुखान बाय तौ दुसरे तरफ लाइट दिन भर मा दस बार कटाथै। दिन भर मा आधे खेत कै सिंचाई होय पावाथै।
मया पावर हाउस कै एस.एस.ओ. रविन्द्र तिवारी बताइन कि यहि समय हवा बहुत तेज बाय। तार ढि़लाय जाए के कारण लाइट कटाथै। कटेहरी ब्लाक के नहर विभाग कै अधिषाषी अभियंता केजरी सिंह बताइन कि षारदा सहायक नहर मा पानी कम होयगा बाय। यहि नाते माइनर मा पानी पहुंच नाय पावत बाय। एक हप्ता के अन्दरषारदा सहायक नहर कै बन्द कै उठे। काहे से कि गरीब किसान का कउनौ फायदा नाय हुवत बाय।