पानी करिस तबाह

DSCN6654
इनतान हवै पुल के हाल

जिला चित्रकूट, ब्लाक मानिकपुर, मुहल्ला इन्द्रानगर अउर गांधी नगर। हिंया टाउन एरिया विभाग कइती से पचास बरस पहिले नाला बना रहै। वहिके गहराई कम हवै। अगर ज्यादा पानी बरसत हवै तौ सड़क मा पानी भर जात हवै। या कारन सैकड़न मड़ई के दुकान मा पानी भर जाये से दुकान बन्द होइ जात हवै, तौ मड़इन का बहुतै नुकसान होत हवै।
इन्द्रानगर मुहल्ला के डाक्टर लल्लू का कहब हवै कि दुकान मा पानी भर जात हवै। यहै से दुकान नहीं खोल पाइत हन। अगर दुकान मा ग्राहक न अइहैं तौ कसत परिवार वालेन का पेट कसत भरी।
गांधीनगर मुहल्ला के कैलाश सोनी का कहब हवै कि बरसात मा परेशानी होत हवै। काम धंधा भी नहीं चलत आय। ऊपर से नाला भर जात हवै। पानी नहीं समात आय। नाला थोइ गहिर होइ जाये तौ पानी निकर जात तौ या समस्या न होत। यहिके खातिर टाउन एरिया मा एक महीना पहिले दरखास दीने हन।
टाउन एरिया के अधिशाषी अभियन्ता हाशिम अली का कहब हवै कि नाला ज्यादा गहिर नहीं होइ सकत आय। काहे से कि यहिके सउहंे रेलवे स्टेशन का पुल बना हवै। अउर नाला के सफाई करवा दीन जई, तौ पानी निकरै लागी।