पांच साल से बिगड़ा हैण्डपम्प

gaon karvi - handpumpजिला फैजाबाद, ब्लाक हैरिग्टनगंज, कस्बा आनन्द नगर भिटारी। हिंआ इण्डिया मार्का टू हैण्डपम्प कै पानी गन्दा अउर बदबूदार आवाथै। यसे पचीसन दुकानदार पानी पियाथिन।

दुकानदार त्रिभवन, राजेश, रामनरेश बताइन कि ई हैण्डपम्प पीर मोहम्मद सलमानी दुकान के सामने बाय। पांच साल से दूषित पीला पानी निकराथै। मजबूरी मा हमरे सबका पियै का परत बाय। जबकि हमरे गंाव मा सांसद, ब्लाक प्रमुख प्रधान जिला पंचायत सब हइन। सग्रम गंाव भी घोषित भै बाय लकिन विकास कुछ नाय भै बाय। आपन दुकान छोड़ के गंाव के अन्दर से पानी लावै का परत बाय। तीन महीना होइगा जिला पंचायत का अप्लीकेशन दीन गै रहा। कउनौ सुनवाई नाय करिन। यही कई रोज आवत जाथिन। तबौ नाय ध्यान देते। अहरन सुबंस मा विध्याचल बी.डी.सी. के घर के सामने वाला हैण्डपम्प बिगड़ा बाय। वहू से बदबूदार पानी निकराथै।

लालता, साधू अउर रामटहल कै कहब बाय कि ई नल बीस साल होइगा लागे। दुई साल से खराब बदबूदार पानी निकरत बाय। लकिन केहू कै ध्यान इधर नाय बाय।

बी.डी.सी. रणजीत सिंह बताइन कि पन्द्रह दिन भै हम ब्लाक पै सूचना दै देहे हई। जब पास होइके आये तौ बनवाय दीन जाये।