पांच साल से कटेहरी मा अंधियार

जिला अम्बेडकर नगर, ब्लाक कटेहरी। बाजार मा सवालाख रुपया कै दुई मरकरी लाइट लाग बाय। पांच साल से जरत नाय। कटेहरी बाजार मा रात कै अधियार रहा थै। लगभग पचास साठ  दुकान बाय। कुहरा परा रहा थै। अधियार रहै से बहुत दिक्कत हुआ थै।

3. kasba katehri EDITED2

पवन सिंह, सुनिल कुमार बताइन कि ई लाइट जब लाग है। खाली पांच-छः महीना जरा रहा। तब से खराब पड़ा बाय कहियो जरत नाय। यह लाइट कटेहरी चौक पै अउर बिजली विभाग वाले रास्ता पै सवा लाख रुपया मा लाग रहा। ई कहियो नाय जरत यहि कारन पूरे बाजार मा रात के समय अधियार रहा थै।

बिजली विभाग कटेहरी कै एस. एस. ओ. सहायक अधिकारी दिलीप कुमार दूबे बताइन कि ई मरकरी लाइट विधायक के कोटा से लाग रहा धर्मराज निषाद लगवाये रहिन यनही के विधायकी मा लाग रहा। जब बिजली कै बिल नाय जमा किहिन तौ बिजली कै कनेक्शन काट दीन गै यह नाते नाय जरत।