पहाड़ में एक ओर गई जान

गनेशा फाइल फोटो
गनेशा फाइल फोटो

जिला महोबा, ब्लाक कबरई, कस्बा कबरई, विवके नगर। एते के 45 साल के गनेशा पुत्र रेवालाल के 4 अगस्त 2014 खा शाम 4 बजे पहाड़ में पत्थर लागे से मोत हो गई हे। जीमें 5 अगस्त 2014 खा कोतवाली की पुलिस ने लाश को पंचनामा भर लाश को पोस्टमार्टम कराओ हे।
गनेशा के लड़का देशराज ने बताओ कि हमाओ बाप लगभग 20 साल से पहाड़ में टैªक्टर चलायें को काम करत हतो। रोज के जेसे ऊ दिन भी टैªक्टर लेके पहाड़ में पत्थर भरन गओ हतो। ट्राली में पत्थर भरन लगो तो ऊपर पहाड़ से एक बड़ा से पत्थर गिरो हे। जोन मोये पापा के गर्दन ओर सिर में लगो हे। जीसे ऊखी मोत हो गई हे। गनेशा के रिश्तेदार ओर परिवार वालेन ने बताओ कि अभे ऊखें छोट-छोट चार लड़का बिटिया हे। अब लड़का बिटियन के अगाऊ खा कोनऊ सहारा नइयां। अब तो जा लागत हे कि ऊखो ेेपरिवार केसे चलहे।
महोबा कोतवाली के एस.आई. महेन्द्र कुमार भदौरिया ने कहो कि अगर ऊखे परिवार वाले रिपोर्ट लिखाहे तो कारवाही करी जेहे। कबरई थाना के एस.ओ. रमेश कुमार पटेल ने कहो कि पहाड़ मालिक ओर गनेशा के परिवार वालेन ने रूपइया ले देके आपस में समझौता कर लओ हे।