बाँदा से हमीरपुर जाने वाली बस 20 मई को हुई दुर्घटनाग्रस्त, कई जलकर मरे तो कई घायल

जिला बाँदा, ब्लाक जसपुरा 20 मई का बंधी के जसपुरा पुलिया के लगे बांदा से हमीरपुर जाये वाली बस का एक्सीडेंट होई गा है। बस के स्टेरिंग फेल होई जाये के कारन बस 11 हजार वोल्टेज के खम्बा से टकरा गे जेहिसे बस मा आगी लाग गे। या घटना सुबेरे आठ बजे भें है।
बस मा लगभग तीस मड़ई बइठें रहै जेहिमा से दुई मड़इन के जान चली गे अउर 23 मड़ई आगी से जल गे है। रोडवेज के अधिकारी घायल अउर मरे वाले के परिवार का मुआवजा दे के बात कहत है।
राम नरेश सिंह अउर पुनिया का कहब है कि 11 हजार के खम्भा से बस टकरा गे है तबै बस मा आगी लाग है। जेहिसे मड़ई जल गे है मड़इन का बांदा अउर जसपुरा के अस्पताल मा भर्ती करावा गा है। मीरा बताइस कि हम हेंया ईटा पाथै का काम करित रहै तबै बस जले लाग है पता नहीं बस मा कसत आगी लाग गे।
घायल कुलदीप सिंह बताइस कि 40-45 मड़ई बस के अन्दर बैठ रहे। सात आठ मड़ई जल गें है काहे से आगी लागे के कारन उंई बस के भीतर फंस गें है। मड़इन के चोट भी लाग है अउर आगी से जल भी गे है सीताराम बताइस कि पचपन मड़ई बइठ रहै है जेहिमा से बीस मड़ई निकल आये है।
पैंतिस मड़इन का पता नहीं आय। गीता का कहब है कि मोर मनसवा बस मा बइठ रहै पै कत्तो नहीं मिला आय। बस के लगे सगले देखे हौं पै मोर मनसवा का पता नहीं चलत आय विभाग वाले मोर सुनवाई नहीं करत आही।
रोडवेज क्षेत्रीय प्रबन्धक के . के . शर्मा का कहब है कि मरे वालेन के परिवार का पांच लाख अउर घायलन का 50 – 50 हजार रुपिया विभाग कइत से दीन जई। मुआवजा के बात कहिके विभाग आपन पल्ला झाड़ लेत है पै घटना के बारे मा कउनौ कुछौ नही कहत आय।

रिपोर्टर- गीता देवी और शिव देवी

23/05/2017 को प्रकाशित