परेशान जनता, नई मिलत आवास

19-08-15 Mahoba - Jaitpur - Tikariya Awaas webजिला महोबा, ब्लाक जैतपुर, गांव टिकरिया। एते के दलित आदमियन को आरोप हे कि प्रधान आवास नई देत हे। आदमी झोपड़ी बना के रहत हे।
कस्तूरी, किरन ओर बतिबाई बताउत  हे कि हमाये घर कच्चे बने हे। चार साल से बराबर ब्लाक के चक्कर लगाउत हे। ब्लाक के कर्मचारी हओ कहत हे। गांव में जीखे पक्के मकान बने हे, प्रधान ओई खा आवास देत हे। रानी बताउत हे कि में पांवन से विकलांग हो, केऊ दइयां तहसील में दरखास दई हे। हमाई दरखास कूड़ादान में डाल देत हे। प्रधान देवीदीन कहत हे कि पेहले बी.पी.एल. सूची वाले आदमियन खा दये जात हे। अब ऊपर से आवास नई आउत हे। हमाये फोन में लखनऊ से फोन आओ हतो। कहत हते कि जैतपुर  से अधिकारी जांच करन आउत हे। एते कोनऊ नई आउत हे। अधिकारी भी झूठ बोलत हे।
जैतपुर ब्लाक ए.डीओ. पंचायत मंसूरी अलि कहत हें कि 2015 में इन्द्रा आवास कोनऊ गांव में नई आये हे। काय से पेहले लोहिया गांव में आवास भेजे जात हे। जोन अप्लीकेशन आउत हे ऊखी जांच कराई जात हे।