परिवार का आरोप ,बलात्कार के बाद हत्या चित्रकूट जिले का मामला

जिला चित्रकूट, ब्लाक मानिकपुर, गांव हरदौली लालापुर एक तीर्थ जघा आय।हिंया आसावर माता के दर्शन करे दूरी-दूरी से मड़ई आवत हवैं। पै या तीर्थ जघा मा 29 अगस्त का एक 17 साल के लड़की के लाश पेड़ मा लटकी मिली हवै।मड़इन का कहब हवै कि दुइ लड़का वा लड़की का गाड़ी मा बइठा के लाये हवैं अउर वहिके साथै बलात्कार कइके जान से मार डालिन हवैं।लड़की का बाप सोहनलाल बताइस कि हमार गांव का एक नेता बताइस कि तुम्हार लड़की स्कूल नहीं गे आय वहिके लाश लालापुर मा पेड़ मा लटकी हवै।
भाई नन्दकिशोर बताइस कि मोर बहिनी का दुइ  लड़का पहाड़ी के ऊपर लइगे हवैं। वहिके साथै बलात्कार कइके फांसी मा लटका दिहिन हवैं। वहिके छाती मा पत्थर से मारिन हवै। सहेली नीतू देवी बताइस कि गुड़िया दस मा पढ़त रहै।सात बजे हमारे साथै साइकिल से स्कूल जात रहै तबै चनहट गांव के लगे वहिके साइकिल पंचर होइगे पै वा घर वापिस नहीं आई आय।
अपर  एस.पी.बलवन्त चौधरी का कहब हवै कि लड़की  के पोस्टमार्टम रिपोर्ट मा गर्भवती होय के बात पता चली हवैं। दोषी मड़इन के खिलाफ कड़ी से कड़ी कारवाही कीन जई।

रिपोर्टर-सहोद्रा 

Published on Sep 1, 2017