पत्नी का जिन्दा जलावै कै आरोप

f mahila muddaजिला फैजाबाद, ब्लाक पूराबाजार, गांव  जोगियाना। 27 सितम्बर का एक मेहरारू कै जलिके मउत होइगै। मृतका के भाई तौफीक कै आरोप बाय कि हमार बहिन का जलाय के मार डारिन।
मृतका कै भाई तौफीक कै कहब बाय कि हमरे बहिन नजीबुल कै शादी मुस्तफा से भै रही। पांच साल से अयोध्या मा रहत रहिन। आये दिन मारत रहिन। मृतका कै बेटवा अलीशेख बताइन कि हमरे अम्मी अब्बू मा झगरा हुवत रहा। अब्बू मिट्टी कै तेल डारिके अम्मी का जलाय दिहिन। अउर अपना भाग गइन। पड़ोस वाले जिला अस्पताल लै गइन इलाज के समय मउत होइगै।
अयोध्या थाना कोतवाली कै मुंशी परशुराम बताइन कि पहिले 307 (मरणाशन्न छोड़ना या इलाज के समय मृत्यु) लाग रही। जब मउत होइगै तौ धारा बदलिके 302 (हत्या) लगाय दीन गै। मृतका के भाई के तहरीर पै पति मुस्तफा का गिरफ्तार कै लीन गै बाय। घर से कुछ जला सामान भी मिला बाय। छानबीन चलत बाय।