पति-पत्नी दोनों हैं चुनावी दंगल में, मिलिए चित्रकूट के चेयरमेन पद की प्रत्याशी सावित्री से

जिला चित्रकूट। 22 नवंबर का हिंया नगर निकाय के चुनाव के मतदान होइ हैं।यहै खातिर सबै पार्टी के उम्मीदवार आपन-आपन किसमत अजमावें खातिर चुनावी मैंदान मा उतरे हवैं। सबै उम्मीदार आपन-आपन चुनावी मुददा अउर वादा के साथ एक दुसरे के सउहें हवैं। आज हम मिलित हवैं कांग्रेस पार्टी के उम्मीदवार सावित्री श्रीवास्तव से जउन नगर पालिका के अध्यक्ष पद खातिर चुनाव लड़त हवै।
चार चवन्नी नदी मा सावित्री देवी गद्दी मा इनतान का चुनावी प्रचार करत सावित्री श्रीवास्तव चुनावी मौसम मा आपन चुनावी वादा का बतावत हवैं कि मैं पहिली दरकी चुनावी दंगल मा उतरी हौं गरीब लड़कियन का शादी खातिर ग्यारह हजार का अनुदान दीन जई। विधवा पेंशन के साथै बिजली अउर सड़क खातिर मुख्य रूप से ध्यान दीन  जई। बहुजन समाज पार्टी के बारे मा सावित्री देवी कड़े शब्दन मा बतावत हवैं कि बसपापार्टी वाले हमसे टिकट खातिर रुपिया मांगत रहैं यहै कारन हम कांग्रेस पार्टी से टिकट लीने हन।हम अचानक से कांग्रेस पार्टी मा जुड़े हन हम आपन वादा न भुलबै काहे से हम गरीबन का सहयोग दे वाली पार्टी से चुनाव लड़ित हवै।हम रुपिया वाली पार्टी से  बहुतै दूरी हन उंई उम्मीदवारन के जइसे नहीं आहीं जउन आपन वादा पूर नहीं करत आहीं हम आपन सब वादा पूर करबै।
सवित्री का मनसवा सुशील कुमार भी कर्वी के वार्ड नम्बर बीस भरतपुरी मुहल्ला से वार्ड मेम्बर पद खातिर कांग्रेस के हांथ के साथ हवै।सुशील कुमार सामान्य sसीट से  दुइ दरकी सभासद रही चुके हवैं तबै उंई बसपा के हाथी के साथी रहे हवैं।कांग्रेस उम्मीदवार कहत हवैं कि टिकट मा रुपिया के मांग के कारन बसपा पार्टी छोड़े हौं।

बाईलाइन-मीरा जाटव और नाजनी रिजवी

Published on Nov 13, 2017