पट्टीदार से परेशान मेहरारु थाना मा दिहिन तहरीर

mahila mudda copyजिला फैजाबाद, ब्लाक बीकापुर, गांव परुआ। हिंआ के एक मेहरारु कै आरोप बाय कि नेवासा पै रहै के कारण पड़ोस कै एक मनई हमैं आये दिन प्रताड़ित कराथे। छेड़खानी कै प्रयास करिन।
मेहरारु संतोष कुमारी बताइन कि हम अपने मायके मा रहीथी। हमार पिता जी खत्म होइगै हइन। भाई न हुवय से मायके मा नेवाया मिला बाय। हमार पड़ोसी चाहाथिन कि हम हिंआ न रही सारा हक हमार लै लियै। एक दिन हम बाजार से लउटी रहेन तौ हमरे साथे हमार पड़ोसी छेड़खानी कै कोशिश करिन। यकै तहरीर हम थाना मा एस.एस.पी. हर जगह अप्लीकेशन दिहेन। लकिन हर बार हमार बयान बदलके थाना मा लिखा जात रहा। लकिन 14 जून 2016 का हमार फिर से बयान भै तौ सही लियागै बाय। जवन हम बोलेन उहै नोट भै बाय।
बीकापुर थानाप्रभारी इन्द्रेश कुमार बताइन कि बयान लियागै बाय। जांच करायके कार्यवाही कीन जाये।