पकड़ीगै नकली खाद बीज अउर दवाई

fertilizer-250x250 copyजिला अम्बेडकर नगर, ब्लाक अकबरपुर, कस्बा शहजादपुर, फब्बारा तिराहा। हिंआ ओम एग्रोसेंटर खाद बीज गोदाम मा 4 जून कै उपकृषि निदेशक अउर जिला कृषि निदेशक अउर जिला कृषि अधिकारी छापा मारिन। जेहमा नकली बीज खाद अउर दवाई बरामद करिन।
उप कृषि निदेशक विनोद कुमार अउर जिला कृषि अधिकारी सुभाष कै कहब बाय कि दोपहर माएग्रोसेंटर पै छापा मारागै। वही समय दुकान के अन्दर नकली सामग्री बनावै कै कारखाना मिला। नामी कम्पनी के नाम पै नकली खाद बीज अउर कीटनाशक दवाई भी बनाय के किसानन के हाथ बेंचा जात रहा। तैयार दवाइयन पै अच्छी दवाई कै रैपर लगाइके वका दुकान अउर किसानन का दिया जात रहा। छापा मारै पै एकै खुलासा भै वहि समय नकली बीज लौकी भिण्डी तरोई करैला उड़द बाजरा मिला। नकली कीटनाशक दवाई माइका्रेसल्फर फेरस सल्फेट सल्फर पाउडर फाईडाल ई सब दवाई ज्यादा मिली। यकरे अलावा खाद बनावै कै कच्चा पदार्थ पाईगै।
अकबरपुर थाना कोतवाली कै प्रभारी महेन्द्र प्रताप सिंह कै कहब बाय कि अवैध तरीका से नकली सामान बनावै अउर अउर किसानन का धोखा कै आरोप मा जेल भेज दियागै बाय।