पक्का रास्ता बने की मांग

रास्ता में भरो दलदल
रास्ता में भरो दलदल

जिला महोबा, ब्लाक जैतपुर, गांव सुगिरा वार्ड नम्बर छह। जा गांव 2013-14 में लोहिया समग्र पंचायत भओ हतो, पे गांव में बनी रास्तन खे हालत में अभे तक कोनऊ सुधार नई भओ हे।
मोतीलाल, मुन्ना ओर रेखा ने बताओ कि 1999 में चीपा को खड़ण्जा परो हतो। ईखे बाद कोनऊ प्रधान ने ई रास्ता खा बनवाये को ध्यान नई दओ आय।
मालती ने बताओ कि जा रास्ता से दिन भर में हजारन आदमी ओर पचासन छोट बड़े साधन निकरत हें। जोन आये दिन फंस जात हें। अभे तक पानी नई बरसो आय, पे जा रास्ता देखे से लागत हे कि बरसात को काम ही नइयां। अब बच्चन के स्कूल खुल गये हे। ऊखे गोदी में लेके निकारने परत हे। नई तो रोज डेªस के कपड़ा धोने परत हे।
प्रधान विमला के आदमी मुन्ना ने बताओ कि मोये गांव में नौ सौ मीटर सी.सी. बने खा पास भई हे। जीमें तीन रास्ता बन गये हें। अगर बजट बचहे। तो ऊ रास्ता भी बनवा दओ जेहे। नई दुबारा से बजट की मांग करी जेहे।