पंचायत भवन मा जामीं घास

taza2 finalफैजाबाद, ब्लाक तारुन, ग्राम विजैनपुर सजहरा। हिंआ के पंचायत भवन मा लगभग दुई साल से झाल-झंखाड़ जामा बाय लकिन आज तक साफ सफाई नाय भै। न ही यहि कहियौ मीटिंग हुवय।
पंचायत भवन के पास रहै वाले हरिचन्द्र बताइन कि पंचायत भवन कै दरवाजा अउर गेट टूट गै बाय। मनई के बराबर खरपतवार जामा बाय। दूसर गेट रखा बाय लकिन आज तक लाग नाय। न साफ सफाई भै। पंचायत भवन मा भैंस बांधी जाथिन। हिंआ कभौ खुली मीटिंग नाय हुवत न ही कउनौ अधिकारी देखै आवैं।