पंचायत करके दई तलाक

अटघार गांव की रेखा
अटघार गांव की रेखा

जिला छतरपुर, गांव अटघार। एते कि रेखा नाम कि ओरत के साथे शादी करके ऊखे जिन्दगी से खेल खेलो हे। 11 जून 2013 खे ऊने महोबा जिला ब्लाक कबरई कुम्हड़ौरा गांव में भरी पंचायत में तलाक देके जिन्दगी बरबाद कर दई हे।
रेखा ने बताओ कि मोई शादी पांच साल पेहले महोबा जिला के बेलाताल कस्बा में सुरेश के साथे भई हती। ऊने मोय कभऊ ओरत को दर्जा नई दओ। हमेशा मोय साथे मारपीट ओर गाली गलौज करत हतो। कहत हतो कि ते मोये मन की नइयां। अपने मायके से मोटर साइकिल लेके आ, तभई सही राखहों। ईखे लाने दो दइयां पंचायत करी हें कि ऊ मोय सही से राखन लगे पे ऊ कोनऊ कि बात नई सुनत हतो। सास ससुर भी मारपीट करत हते ओर कहत हे कि एते से चली जा। एई से 11 जून 2013 ख कुम्हड़ौरा में पंचायत जोरी हती। जीसे आदमी ने मोए भरी पंचायत में तलाक दे दई हे।
खबर लहरिया पत्रकारों ने ससुराल पक्ष सें बात करनी चाही तो ससुर बाबूलाल ने बात करे से मना कर दओ ओर लड़का सुरेश खे पंचायत से भगा दओ।