न मिलल योजना के लाभ

मृत्यू-प्रमाण के लेल परेशान सरोज देवी
मृत्यू-प्रमाण के लेल परेशान सरोज देवी

जिला सीतामढ़ी, प्रखण्ड बथनाहा, गांव दिग्ही, वार्ड नम्बर पांच। इहां के सरोज देवी के पति जगत पासवान के मरला लगभग एक साल हो गेलई। लेकिन आई तक उनका मुत्यू प्रमाण-पत्र न बनलई।
सरोज देवी कहलथिन कि हमर पति छप्पर पर से गिर गेलथिन। हम दु महिना तक गांव से चंदा मांग के अउर भैस बेच के उनकर इलाज करईली लेकिन तईयो न बचलक। हमरा छौ गो बच्चा हई। तीन लड़का अउर तीन लड़की। उ सब नादाने हई। हम अपन परिवार चलावे के लेल गांव के खेत में काम करई छी अउर लोग सब के धर में काम करई छी तब जाके खाना खाई छी। लेकिन हमरा सरकारी कोई सुविधा न मिल रहल हय। मृत्यू प्रमाण-पत्र बनेला प्रखण्ड में आवेदन देले छी। उहां दु तीन बेर अईली-गेली लेकिन कहां अभी ले कोई सुनवाई होई छई।
प्रखण्ड विकास पदाधिकारी वसंत कुमार सिंह कहलथिन कि उनकरा मृत्यू प्रमाण-पत्र बनावे के लेल आवेदन आर.टी.पी.एस. काउन्टर पर जमा करथिन तब जांच करके मृत्यु प्रमाण-पत्र बनायल जतई। ओई के बाद ही उनका सुविधा देल जतई।