न मिलई छई पर्यटन स्थल के दर्जा

पुनौरा धाम
पुनौरा धाम

जिला सीतामढ़ी, प्रखण्ड डुमरा, गांव पुनौरा। उहां मां जानकी जन्म भूमि हई। जहां तीसो वर्ष से विदेशी लोग दार्शनिक स्थल के रूप में घुमें अबई छथिन अउर उहा के माटटी प्रसाद के रूप में ले जाई छई। लेकिन आई तक पर्यटन स्थल के मान्यता न मिललई।
उहां के प्रबंधक अनील कुमार कहलथिन कि पुनौरा पर्यटन स्थल के लेल विकास समिति के गठन 2004 में भेलई। जेई समय मुख्य अतिथि डी.एम. अरूण भुवन सिंह रहथिन। इहां मां जानकी के नाम से बारह एकर छह डिसमिल जमीन हई। पोखर के चारों तरफ टूटल फूटल हई ओई के मरम्मती के लेल सरकार रूपईया न देई छथिन।
सीतामढ़ी के पर्यटन मंत्री सुनिल कुमार पिन्टु दु करोड़ पचहतर लाख रूपईया देले रहथिन। जेईसे प्रवचन भवन बनलई। लेकिन बिहार सरकार पर्यटन भवन के मान्यता न देई छथिन। मां जानकी जन्म भूमि के लेल कोई मुद्दा न उठायल जाई छई।