न्याय खातिर भटकत विधवा मेहरारू

gaowfinalजिला अम्बेडकर नगर, ब्लाक कटेहरी, गंाव औरंगनगर भैरोपुर। हिंआ एक विधवा गरीब छप्पन साल मेहरारू दुर्गावती दुई साल से न्याय खातिर यहरी-वहरी भटकत हईन। सैकड़न आवेदन थाना, कोतवाली अउर डी.एम. का देहे के बादौ सुनवाई नाय भै।
दुर्गावती पत्नी स्वर्गीय रामजी मिश्रा बताइन कि गंाव कै कुछ दबंग मनई उनके पुरान घर के पांच विस्सा जमीन कै रकबा जबरदस्ती कब्जा कै लियत हईन। पुरान घर गिर गै रहा। दुबारा चारो ओर से दिवाल खड़ा कराये हईन।
गंाव कै महावीर पवन, अनिल, द्रोणाचार, भीम, दीनानाथ न तौ छत लागै दियत हइन न ही बीच मा दिवाल खड़ा करै दियत हईन। हमार जमीन हमहिन का न मिले तौ हम कहां जाब। दुर्गावती कै आरोप बाय कि न हमार पटीदार हुवय न भाई। हमरे जमीन मा दुसरे मेहरारू का खड़ी कइके मोबाइल से फोटो खींचके बैनामा अउर बैंक मा लोन कराय लिए हईन। फर्जी बैनामा वापस करावै खातिर कइयौ दांय, थाना, कोतवाली, डी.एम., एस.डी.एम. सबके लगे अप्लीकेषन दइके थक गयन। लकिन केहू सुनै वाला नाय बाय।
थाना कै दीवान यावर अली बताइन कि यकै जानकारी हमका नाय मिली बाय।