नेता मंत्री बने दल बदलू

जिला बांदा, ब्लाक नरैनी, कस्बा अतर्रा। हेंया के हिन्दू इंटर कालेज मा 15 अक्टूबर 2013 का कर्वी बांदा दुनौ जिला के विधायक, संसद अउर नेता मंत्री मिल के बहुजन समाजवादी पार्टी के जन सभा करिन हैं। या जन सभा मा नेता, मंत्रिन साथै हजारन मड़ई शामिल रहैं।
यहिमा मुख्य अतिथि के रूप मा आय पूर्व लोक निर्माण विभाग मंत्री नसीमुद्दीन सिद्दकी आपन भाषण मा कहिन कि बड़ी खुशी के बात आय कि आखिर हमार पार्टी मा

चुनाव अउतै शुरू जनसभा
चुनाव अउतै शुरू जनसभा

भी तौ सांसद प्रधान ब्लाक प्रमुख अउर मध्यप्रदेश पन्ना जिला से महेन्द्र पाल शामिल भे है। उनका कहब है कि अब हमका लागत है कि कितना जल्दी हमार सरकार आवै। बांदा के पूर्व मंत्री बाबू लाल कुशवहा पूर्व का कहब है की बांदा नरैनी अतर्रा महुआ चित्रकूट से प्रधान समेत यतने मड़ई शामिल है। सेमरिया से आई माया कहिस की मायावती के सरकार मा सुनवाई होत रही है अउर कड़ा शासन रहा है। यहिसे हमका लागत है कबै मायावती जीतै।
यहिनतान महोतरा गांव का कामता कहिस जितने सरकारी लाभ हैं, तौ बन्द पड़े है। जइसे बृद्धा पेंशन वा बिधवा पेंशन साल भर या छह महीना से बन्द होई गे है। यहिनतान धार कुडी लक्ष्मण पुर के रतिया कहिस कि इ भाषण सुनै खातिर हम 10 जने आय हन। आर.के पटेल प्रेस वार्ता मा कहिस कि बड़ी उम्मीद के साथ सरकार बनाई गे रहै, पै डेढ़ साल होई गे एकौ विकास नहीं भे आय। सबै काम रूके पड़े है। जइसे मेडिकल कालेज अतर्रा डिग्री कालेज का काम बन्द है। अत्याचार के अलावा कुछ नहीं भा डेढ़ साल मा 141 दंगा भे है चोरी बलात्कार छेड़खानी कम उम्र की बिटियन की इज्जत लूटना रोड मा हत्या दिन दिन चोरी ई सब काम ज्यादा भें है। पूरे परिवार वालेन का मुलायम सिंह मुख्य मंत्री बनावैं चाहत है तौ वा विकास का करवाही यहिके जइसे घटिया सरकार कतौ नहीं बनी आय। यहिनतान नरैनी विधायक गयाचरण दिनकर कहिन हंै। अब हाथी का दिल्ली चढ़ाये जात हन। पूर्व मुख्य मंत्री मायावती का जनता चिल्लात है।