नीक न होय पे दूसर शादी करे की धमकी

सविता
सविता

जिला महोबा, ब्लाक जैतपुर, गांव पचारा। एते की सविता की शादी 19 मार्च 2013 खा चैहान के टपरियन मोहल्ला में अरबिन्द्र के शाथे भई हती। जीमें जान दहेज देय के बाद भी ससुराल वाले मारपीट करत हे। दूसर शादी करे की धमकी देत हे। जीसे ऊने न्याय के लाने कोर्ट को सहारा लओ हे।
सविता के बाप रामप्रसाद ने बताओ कि शादी के पेहले सब कोनऊ देखन आओ हतो। दहेज में मेने एक लाख रूपइया ओर डेढ़ लाख को दहेज दओ हतो। पे माये बिटिया के साथे नींक न होंय को बहाना कर मारपीट करत हे। सविता ने कहो कि में अपने ससुराल दो दइयां गई हो। मोये साथे मारपीट करत हते। तो अपने मायके चली आई हती। तभे से कोनऊ लिबाउन नई आओ हे। का से दूसर शादी करे खा कहत हते। एई से मेने मुकदमा लगा दओ हे। मुकदमा से मे आपन खर्चा लेहों। सविता को आदमी अरविन्द्र ओर ससुर परमसुख कहत हे कि ऊखे कहूं जायेे खा मना करत हे तो ऊनई मानत हे। खाना भी अच्छे से नई बनाउत हे। चूडि़या फोर के डार देत हे। एई से हम ऊखे नई लिवा जात हे। अब तो कोर्ट के आदेश से फैसला होहे।