नियाव के मांग

DSCN8988-wwजिला चित्रकूट, ब्लाक मऊ, गांव इटहा देवीपुर। हिंया 7 अप्रैल का रूची के रामनगर सामुदायिक सवास्थ्य केन्द्र मा लड़का पैदा भे रहै, पै अबै वहिका चैदह सौ रूपिया का चेक नहीं मिला हवै। यहिसे वा रामनगर सामुदायिक स्वास्थ्य केन्द्र के चककर लगावत हवै।
हिंया के रानी बताइस कि मोरे लड़की रुचि के 7 अप्रैल का लड़की भे रहै। अबै तक रूपिया नहीं मिला आय 26 मई का डाक्टर से कहे हन, पै अबै तक रूपिया नहीं मिला आय। रामनगर सामुदायिक स्वास्थ्य केन्द्र के डाक्टर गिरीश कुमार पाण्डेय का कहब हवै कि वा समय कम्प्यूटर खराब रहै। या कारन से वहिका रूपिया नहीं गा रहै। अब वहिका चोदह सौ रुपिया का चेक भेज दीन गा।

जिला बांदा, ब्लाक तिन्दवारी, गांव डिघवट। 6 जून का सोनम जिला बांदा, ब्लाक तिन्दवारी, गांव डिघवट। 6 जून का सोनम आपन जेठ सूरजपाल के खिलाफ एस.पी. का दरखास दें आई रहै। वहिका आरोप रहै कि जेठ हिस्सा नहीं देत आय।
सोनम का कहब है कि मोर ससुराल जसपुरा ब्लाक का गांव खप्टिहा खुर्द आय। शादी के लगभग सात साल होइगे। मनसवा शिवकुमार लगभग दुई महीना पहिले मर गा रहै। मोर दुई छोट छोट बच्चा हैं। अब जेठ घर अउर जमीन मा हिस्सा नहीं देत आय। अगर मांगत हौं तौ गाली गलौज करत है अउर मारैं के धमकी देत है। यहिसे एस.पी का दरखास दइके नियाव के मांग करत हौं। जेहिसे मोर हिस्सा मिल जाय। यहिके खातिर अधिकारिन के चक्कर लगवात हौ। जेठ सूरजपाल का कहब है कि हम वहिका हिस्सा न दइबे। चाहे जहा शिकायत करै अगर हिसधारी बन के हिस्सा लई तौ वहिके लड़का का हिस्सा देइबे।
एस.पी. राजेन्द्र पाण्डेय का कहब है कि जसपुरा थाना का फोन कइके हिस्सा देवावा जई।