नियम कै करत उलघंन

f ggavजिला फैजाबाद, ब्लाक मया, ग्रामसभा पकरेला। हिंआ कै मनई कै आरोप बाय कि प्रधान मनरेगा मा घोटाला करे बाटे। लकिन शासन-प्रशासन ध्यान नाय दियत बाय।
मोहम्मद आरिफ अउर असरफ बताइन कि डी.एम. अउर जिला मतस्य फैजाबाद कार्यकारणी अधिकारी आय के पांच महीना पहिले जांच करे रहिन। घोटाला साबित होय के बादो शासन प्रशासन ध्यान नाय दिहिन। गोशाईगंज थाना कै पुलिस आरोपी प्रधान का पकड़त नाय बाय। प्रधान पैसा दै के सारा कार्यवाही रूकवाय दियाथिन। प्रधान धन बल से प्रभाव शाली हईन। इनकै जल्दी गिरफ्तारी न हुवय से हमरे जान कै खतरा बाय। हमरे साथे कुछ भी करवाय सकाथिन काहे से पूरे गंाव कै मनई उनके खिलाफ आवाज उठावत डेराथिन। हम खुलासा विरोध करत हई।
प्रधान आज्ञाराम वर्मा बताइन कि यहि समय चुनाव कै समय आय बाय जेसे बार बार आरोप लगावत हइन। हम थाना मा जाय के हाजिर भै रहेन। लकिन हमरे महतारी कै मउत होइगै यही से व्यस्त होइ गयन।
गोशाईगंज थाना कै दरोगा रमेश पाण्डेय बताइन कि धारा 447 (बलवा), 419, 420 (धोखाधड़ी), 476, 478( हेराफेरी), 352 (हमलावर), 504 (गाली गलौज) 506 (जान से मारै कै धमकी) लाग बाय। छानबीन चलत बाय।