नियम के हिसाब से नाय आवत विजली

जिला अम्बेडकरनगर। हिंआ नियम से बिजली नाय आवत जेसे लघु उद्योग धन्धा वाले व्यापारी कै पावरलूम नाय चलि पावत बाय।
पावर लूम मालिक अमजद अंसारी, शकील अंसारी कै कहब बाय कि नियम बाय कि शहरी क्षेत्र मा बीस घंटा अउर ग्रामीण क्षेत्र मा चैदह घंटा मिलै का चाही। लकिन शहरी क्षेत्र मा सोलह अउर ग्रामीण मा दस घंटा रहाथै। पूरी तरह से विजली न रहै से कपड़ा कै पावरलूम बन्द रहाथै। पावर लूम से लूंगी गमछा, रुमाल जइसेन कइयौ तरह कै कपड़ा तैयार किया जाथै। सप्लाई खातिर कोलकाता मुंबई तक भेजा जाथै। अगर विजली कै इहै स्थिति रहे तौ दुसरे कउनौ मजबूरी मा रोजगार हेरै का परे। एक तौ गर्मी कै मौसम दुसरे विजली न मिलै से सब परेशान रहाथे।
पावर कार्पोरेशन अधिषाशी अभियंता मुकेश बाबू कै कहब बाय कि जेतना विजली सब विद्युत स्टेशन का मिलत बाय। वतना दिया जात बाय। अगर कहूं गड़बड़ी कै जानकारी मिलाथै प्राथमिकता के आधार पै ठीक कराय जाथै।