ना पढ़ाई-लिखाई, ना टी.वी. केवल अँधेरा, फैजाबाद जिले के परसौली गाँव में बिजली ही नहीं

जिला फैजाबाद, ब्लाक मया, गाँव परसौली के दलित बस्ती मा बिजली आज तक नाय पहुंची। एहि गाँव के बाकी बस्ती मा राजीव गाँधी विद्युतीकरण योजना के तहत पहले ही बिजली लाग चुकी बाय। पर ई साठ घर कै बस्ती आज भी अँधेरा मा रहै का मजबूर बाय।एकरे बावजूद जिला विद्युत अधिकारी ई कहिके आपन पल्ला झाड़ लिहिन कि ई काम प्राइवेट कम्पनी करत बाय। जेकै टारगेट दिसम्बर 2017 तक पूरा होये।
परसौली गाँव के संगम प्रभा कै कहब बाय कि हमरे हिंया बिजली कै बहुत समस्या बाय।एक लीटर तेल मिलाथै वहू से पूरा नाय हुवत। एक ढ़िबरी से तीन भाई अउर हमै पढ़े मा बहुत दिक्कत हुआथै।
अंजलि कै कहब बाय कि अगर चार्ज करै वाली बत्ती खरीद लावै तौ चार्ज कैसे करै। अभिषेक कै कहब बाय कि इम्तिहान सर पै बाय अउर पढ़ाई नाय हुवत बाय। 16 फरवरी से पेपर बाय चिंता सतावत बाय कि पास कैसे हुवब।
कृष्ण कुमार कै कहब बाय कि राजिव गाँधी विधुत योजना के तहत एहि गाँव कै चयन भए बाय। कुछ मनई चार महीना पहिले अप्लिकेशन दैके रोकवाय दिहिन कहिन कि येहि गाँव मा सर्वे होइके बिजली लाग चुकी बाय। तौ खम्भा वापस होइगै। 2 दिसम्बर का विधायक डांटे रहे तौ बोलिन कि लगावत हई। आठ खम्भा गाँव मा गिराय दिहिन लकिन अबहीं काम नाय शुरू भए।

रिपोर्टर- संगीता

Published on Feb 1, 2017