नाली, सड़क मा लाग काम

नाली सड़क मा काम .
नाली सड़क मा काम

चित्रकूट जिला, कर्वी ब्लाक, गांव खोह। हिंया बीस बरस से नाली के समस्या हवै रानी, कलावती का कहब हवै कि नाली के समस्या कत्तौ नहीं दूर भे आय। या पूर गांव के घरन के निस्तार का गन्दा पानी अउर हैण्डपम्प का पानी पूर रास्ता मा फइलत हवै। या कारन मड़ई परेशान रहत हवैं। या लागत हवै कि जइसे बरसात का पानी आय सबै जघा बहत हवै। नाली बन जात तौ घरन का अउर हैण्डपम्प का नहाये धोवै का पानी नाली से जात तौ गांव मा कांदौ़ न होइ। 

प्रधान रचना देवी के मनसवा विजय शंकर का कहब हवै कि दलित बस्ती के नाली अउर सड़क एक सौ पैतिस मीटर का बजट एक लाख पचीस हजार रुपिया पास भा हवै। जउन कि 5 जून 2013 से कच्चा काम होत हवै। अबै मिट्टी परत हवै। जबै ज्यादा बजट पास होइ तौ गांव के नाली अउर सड़क बनवाई जइहैं।