नाली टूटै से परेशान मड़ई

इनतान नाली
इनतान नाली

जिला चित्रकूट, ब्लाक मानिकपुर, गांव बगरेही। हिंया एक बरस से नाली टूटै से लगभग हजारन मड़ई परेशान हवैं। यहिके खातिर कइयौ दरकी प्रधान भगवान दास से कहा गा हवै, पै वा नहीं सुनत आय।
हिंया के नन्हे, गुजरिया, कौशल का कहब हवै कि नाली का टूटै एक बरस होइगा, पै आजौ तक प्रधान भगवान दास ध्यान नहीं देत आय। या कारन बहुतै परेशानी होत हवै। छोट- छोट लड़का बिटिया का गिरैं का डेर बना रहत हवै। मड़इन का रात बिरात भी डेर बना रहत हवै। अगर प्रधान या नाली बनवा दे तौ या समस्या से न जूझै का परै।
प्रधान भगवान दास का कहब हवे कि प्रस्ताव बना के ब्लाक मा दीन गा हवै। जबै पास होइ तौ नाली बनवा दीन जई।