नाली अउर रास्ता के मांग

 इनतान के रास्ता
इनतान के रास्ता

 जिला चित्रकूट, ब्लाक मऊ, गांव सेमरा मजरा भौठी पुरवा। हिंया लगभग चालिस बरस से नाली अउर रास्ता के समस्या का सैकड़न मड़ई झेलत हवै। नाली अउर रास्ता बनवावैं खातिर प्रधान गुलबिया से कहिके थक गें, पै वा हां-हां कहिके टाल देत हवै।
या समस्या का लइके प्रधान गुलबिया के बेटवा उदयराज से बात भे। वहिकर कहब हवै कि बजट पास होइ तबहिने नाली अउर रास्ता बनवाई जई।
पुरवा के परमानंद, रामजतन अउर सुन्दर का कहब हवै कि एक किलो मीटर नाली अउर रास्ता नहीं बनी हवै। यहै मड़इन के घरन के निस्तार का गंदा पानी पूर गली मा भरा रहत हवै। बरसात के समय रास्ता कांदौ से बजबजात हवै। कांदौ होय के कारन बदबू आवत हवै। यहै से बीमारी फइलै का डेर बना रहत हवै।