नाय हुवत सुनवाई

gonv final 1 copyजिला फैजाबाद, ब्लाॅक बीकापुर, ग्रामसभा लुफ्ताबाद बछौली पूरे देवी कोटहा। हिंआ के राजेश कुमार पाण्डेय कै आरोप बाय कि हमार पट्टीदार अरविन्द्र प्रताप बहादुर जवन पुलिस विभाग मा फालोवर अहैं। हमार जमीन जबरदस्ती कब्जा कै लिये अहैं। बीसन साल से ई समस्या चली आवति बाय। आज तक सुनवाई नाय भै।
पुलिस का दीनगै तहरीर मा राजेश कुमार कहिन कि गांव कै ही ओप्रकाश पाण्डेय पुत्र शिवबालक सेेे मौकै पै जमीनी रंजिश चलत बाय। 14 फरवरी 2015 का चार अज्ञात मनई असलहा लहरावत आइन। हमार माताजी भैस लगावत रहिन। कनपटी पै असलहा रखिके कहिन कि ओमप्रकास का कब्जा करै दिया नाहीं तौ तोहरे पूरे परिवार का जान से मार दियब।
यकै शिकायत डी.आई.जी., एस.एस.पी सबका दिहन लकिन आज तक कउनौ सुनवाई नाय भै। ओप्रकाश कै बेटवा पुलिस विभाग मा फालोवर अहैं यही से कउनौ अधिकारी हमार सुनवाई नाय करत अहैं। वै धन बल सबसे मजबूत अहैं।
गुलाबकली बताइन कि ओमप्रकास के दुवारे हमार पांच बीघा जमीन बाय। जेहमा से लगभग चार लाठा जमीन पै कब्जा करे बाटे बोवै नाय देते। अगर हम ट्रैक्टर लइके खेत मा जाईथी तौ मारै पै उतारु होय जाथिन। हमार खेत आय लकिन खेत मा जात डर लागाथै। काहे से कइव बार मार चुका हइन।
बीकापुर थाना प्रभारी इन्दे्रश कुमार बताइन कि जमीनी रंजिश कै मामला आय जांच चलत बाय।