नाय मिला दुसरे किस्त कै पैसा

Exif_JPEG_420
Exif_JPEG_420

जिला अम्बेडकर नगर, ब्लाक कटेहरी, ग्राम पंचायत नरायनपुर। हिंआ कुछ गरीब मनई का इन्द्राआवास मिला रहा। आधा मिला रहा आधा किस्त के पैसा कै इन्तजार करत एक साल बीतगै।
अनारा देवी पत्नी पाचूराम राजभर, ऊषा देवी पत्नी शिवकुमार, राममूर्ति बेटवा वेशी रामभवन वनवासी बेटवा सुरदुल इनके सब कै कहब बाय कि एक साल होइगै इन्द्रा आवास मिले। एक किस्त कै पैसा पैंतिस हजार रूपया मिला रहा। जवन माटी के खपरैला कै घर रहा उहौ गिराय दीन गै। इन्द्रा आवास कै दीवार खड़ी होइगै बाय। बयाला कै फोटो फार्म सात आठ महीना पहिले जमा कै दिहेन। अबहीं तक दुसरे किस्त कै पैसा नाय आवा बाय। दुसरे के घरमा अपने घर कै सामान रखे हई। दुसे के घरमा रिस्तेदार का बैठाई थी। पूरी बरसात बीत गै यतनी ठण्डी भी हुवत बाय। रातभर खुले मा बैठके कापिथी। अगर दुसरे किस्त कै पैसा आय जात तौ छत लागि जात। हमरेव सबका रहै कै ठिकाना होय जात। न हुवय से बहुतै दिक्कत बाय। हमरे सब गरीब मनई बाटेन लकिन केहू ध्यान नाय दियत। कहां जाई हमार तौ केहूं बात नाय सुनत। अगर कुछ कहां केहू से तौ चुप कराय दियाथिन।
प्रधान प्रभावती वर्मा कै पति रामचन्दर वर्मा बताइन कि सबकै बयाला तक कै फोटो फार्म सब जमा करेन। छह महीना होय गै। अबहीं तक दुसरे किस्त कै पैसा नाय आय।
बी.डी.ओ. राजकुमार त्रिपाठी बताइन कि चुनाव चलत रहा। अब हम जिला से पता करब कि काहे नाय आवत बाय।