नाय मिला गेहूं नुकसान कै मुआवजा

gonv fainalजिला अम्बेडकर नगर ब्लाक कटेहरी, गांव बरहा नियामत चक। हिंआ किसानन का अबहीं तक गेहूं नुकसानी कै मुआवजा नाय मिला बाय। धान कै फसल भी सुखाय जाए से किसान भुखमरी के कगार पै पहुंच गै हइन।
पुजारी यादव बताइन कि यहिंके मजरा मथा, नियामतचक बरहा मा लगभग पचासों किसानन का फसल नुकसानी कै चेक नाय मिला बाय। गरीब मजदूर कै गेदहरै कइसे जियत खात बाटिन। लेखपाल रामजीत वर्मा बताइन कि बांटा जात रहा लकिन पैसा खतम होइगा रहा। दुई महीना पहिले लिस्ट बनाय के भेजेन अबहीं पैसा नाय आय बाय।
वहीं 20 अक्टूबर का भारतीय किसान यूनियन कै जिलाध्यक्ष नन्हेंलाल उर्फ चलाकूपाल, इन्द्रपाल जिलाधिकारी का ज्ञापन सौपिन अउर मांग करिन कि जिला मा किसान कै अगेती धान के फसल कै खरीद सरकारी रेट पै खरीदा जाए। सूखा के कारण फसल खराब होइगै। फसल सर्वे करायके उचित मुआवजा दिलाय जाए।