नाय बनत बाय स्कूलन मा खाना

Exif_JPEG_420

जिला अम्बेडकरनगर अउर फैजाबाद। हिंआ के कइयौ स्कूलन मा महीनन से खाना नाय बनत बाय। जेसे गेदहरै भूखे पेट पढ़ाई कराथिन।
कटेहरी ब्लाक के प्राथमिक विद्यालय अउर पूर्व माध्यामिक विद्यालय सबना तिवारीपुर, भगवानपट्टी, प्रतापपुर चमुर्खा जैसेन कइयौ स्कूल मा मिड्डे मील नाय बनत बाय। स्कूल कै गेदहरै आंचल, सौम्या बताइन कि दुई महीना से खाना नाय बनत बाय। स्कूल कै प्रधानाध्यापक जयप्रकाश बताइन कि कनवर्जन कास्ट कै पैसा नाय आवत बाय। 26 अक्टूबर से खाना बनब बन्द भै बाय। सितम्बर 2015 मा बारह हजार पांच सौ बासठ रुपया आय रहा। जेहमा चैदह हजार रुपया पहिले से माइनस रहा। यही कारण प्रधान खाना बनब बन्द कराय दिहिन। इहै हाल फैजाबाद मया ब्लाक के टंडौली प्राथमिक विद्यालय कै बाय। गेदहरै अपने घरे रोज खाय जाथे। हेडमास्टर अजय कुमार सिंह कै कहब बाय कि यहि समय खाना कै काफी पैसा बकाया बाय। जब तक पैसा न आये कइसे खाना बने।
मया ब्लाक कै खण्ड शिक्षा अधिकारी अरुण कुमार वर्मा बताइन कि चुनाव के दुई महीना पहिले हर प्रधानन कै खाता बन्द होय जाथै। अबहीं जिला से पैसा
नाय आय बाय। जब प्रधान शपथ लै लेइहैं तब खाता मा पैसा आये तब खाना बने।