नाम खातिर लाग बाय हैण्डपम्प

kasba finalजिला फैजाबाद, ब्लाक मया, कस्बा गोषाईगंज अउर महबूबगंज। हिंआ कै इण्डिया टू मार्का हैण्डपम्प बिगड़ा परा बाय लगभग तीन साल से लकिन प्रधान अउर चेयरमैन बनवाइन नाय।
महबूबगंज कै मुकेष, रामतीरथ, रामपाल बताइन कि हमरे सब हिंआ पै दुकान करे हई। पानी खातिर यहर वहर भटकै का पराथै। हिंआ नल रहा तौ सब दुकान वाले आसानी से पानी पाय जात रहे। अब दुसरे के घर के भीतर से लावै का पराथै। प्रधान से बनवावै खातिर कहागै बाय। बाकरगंज उपस्वास्थ्य केन्द्र के सामने अउर मुष्लिम टोला कै हैण्डपम्प बिगड़ा बाय।
त्रिवेणी, सरजू, हदयराम बताइन कि हिंआ हमरे सब आपन रोजगार करे हई बीस पचीस दुकान के बीच मा एक ही नल रहा उहौ बिगड़ गै बाय। गोषाईगंज वार्ड नं0 10 के हैण्डपम्प कै बोरिंग फेल होय चुका बाय। हुंआ कै राधे, मंगरु, सुरेष कहिन कि हमरे सब गरीब मनई मेहनत मजदूरी करै वाला यहि हैण्डपम्प कै पानी खाना पीना हर एक काम की ताई प्रयोग करत रहेन। जब से बिगड़ा बाय एक हप्ता बीत गै नहाय कै रोजी नाय हुवत बाय।
रमेषचन्द्र कषौधन चेयरमैन बताइन कि रिबोर की ताई चार महीना पहिले मांग कीन गै बाय। जलनिगम कै अधिषाषी अभियंता बी.के. श्रीवास्तव बताइन कि हिंआ से सिर्फ रिबोर वाला काम कराय जाथै।