नाम के तीन, काम के एक

चापाकल
चापाकल

जिला सीतामढ़ी, प्रखण्ड पंचायत बथनाहा पूर्वी राजकीय प्राथमिक विद्यालय चैधरी टोला। इहां तीन चापाकल हई जेईमें दुगो चापाकल लगभग एक साल से खराब हई। जेई कारण रसोईया अउर बच्चा के बहुत दिक्कत होई छई।
इहां के विद्यार्थि रमेश कुमार, मिनू कुमारी, मुकेश कुमार इ सब कहलथिन कि एगो चापाकल पर हमरा सब के पानी पिये में बड़ा दिक्क्त होईय। सब भीड़ लगा देई छई अउर झगड़ा भी हो जाई छई। रसोईया रेणू देवी मंजू देवी सब लोग कहलथिन कि विद्यालय में तीन चापाकल हई लेकिन मात्र एक चालू हई त सब बच्चा ओही पर भीड़ लगयले रहई छथिन। खाना बनावे के समय पानी के लेल बहुत अउर बच्चा भी धक्का धुक्की करईत रहई छई। ओकरो त परेशानीये हई।
इहां के प्रधानाध्यापक रामानंद चैधरी कहलथिन कि हम गुरू गोस्टी में कहले रही लेकिन लिखित आवेदन कही न देले छी। अब जल्दीय बनवा के देबई।
प्रखण्ड शिक्षा पदाधिकारी रमायण हाजरे कहलथिन कि हमरा पास इ समस्या के बारे में कोई सूचना न हई। लेकिन हम विद्यालय में समस्या के पता लगा रहल छी। तब इ समस्या दूर हो जतई।